पडघा, बोरीवली गावातून १२ जण ताब्यात

 

मुंबई : महाराष्ट्र दहशततवाद विरोधी पथकाने (एटीएस) सोमवारी ठाणे जिल्ह्यात विविध ठिकाणी छापे घातले. त्यामध्ये सिमी दहशतवादी संघटनेचे तत्कालिन म्होरके आणि सदस्यांचा समावेश होता. कारवाईत एटीएसने १२ जणांना ताब्यात घेतले आहे. 

 

मुंबईतील दहशतवाद विरोधी पथक, ठाणे ग्रामीण पोलिसांनी ठाणे जिल्ह्यातील पडघा आणि बोरीवली गावात काल पहाटे चार वाजण्याच्या सुमारास कारवाई केली. दोन्ही गावात मोठा फौजफाटा आणला होता  २४ हून अधिक घरांची झडती घेतली. त्यामध्ये सिमीचा साकीब नाचन, अकिब सादीक नाचन, अब्दुल लतिफ कासकर, कैफ नाचन आणि शाजील नाचन यांंच्या घराचा समावेश होता. जमिनी व्यवहारातील दलाल आणि सिमीचा माजी सदस्य फराक झुबीर मुल्ला (वय ६०) याच्याशी घराची झडती घेतली. तपासात उघड झाले की, मुल्ला हा हज यात्रेसाठी सौदी अरेबियाला गेला आहे.  त्याचा मोठा भाऊ हसीब मुल्ला हा २००२ आणि २००३मध्ये मुंबईतील रेल्वे बाँब स्फोटातील दोषी आहे. त्याला दहा वर्षांची शिक्षा ठोठावण्यात आली. तो ९ डिसेंबर २०२३ पासून साकिब नाचन याच्यासोबत दिल्लीतील तुरुंगात आहे. आयसिसच्या धर्तीवर भारतात सिमीने दहशतादी हल्ले करण्यााचे कारस्थान रचले होते. कारवाईत अब्दुल लतिफ कासकर (वय २७) याच्या घराची झडती घेतली. तो एका गोदामात काम करतो. तो फरहान सुस याचा जवळचा मित्र आहे. त्याला ताब्यात घेतले आहे. तपासात सहाजण हाती आलेले नाहीत. कारवाई दुपारपर्यत सुरू होती. अनेक  संशयितांची अनेक तास चौकशी करण्यात आली. १२ जणांना नंतर पडघा पोलिस ठाण्यात नेले. त्यांची ओळख पटविण्यात येणार आहे. दरम्यान, एनआयएने २०२३ मध्ये सिमीविरोधात देशव्यापी मोहीम राबविली होती. तेव्हा पडघा आणि परिसरात कारवाई करुन देशविरोधी कारवाया प्रकरणी काही जणांना अटक केली होती. त्यात साकिब नाचन याचा समावेश होता.